humanum domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /var/www/vhosts/old.pinkarmenia.org/httpdocs/wp-includes/functions.php on line 6170
Կինոռեժիսոր Սերգեյ Փարաջանովի որդին` Սուրեն Փարաջանովը, չի բացառում, որ իր հայրը հարաբերություններ ունեցել է տղամարդկանց հետ, այդ մասին նա ասել է ուկրաինական «ԳՈՐԴՈՆ» առցանց թերթին:
«Համաձայնությամբ գուցե եղել է: Բազմաթիվ կանայք և տղամարդիկ, որոնք ցանկանում են նկարահանվել մեծ ռեժիսորի ֆիլմերում, ամեն ինչի պատրաստ են: Հորս մոտ այնքա՜ն այդպիսի մարդիկ են եկել: Նույնիսկ ինձ են այդպիսի խնդրանքով դիմել», - պատմել է Փարաջանովի որդին, որը նույնպես ռեժիսոր է:
Նա ընգծել է, որ եթե համաձայնությամբ է եղել, ապա դա հանցանք չէ. «Իսկ եթե ստիպողաբար, ապա այո [հանցանք է], բայց հայրս այդպիսի ուժ չուներ, որ առանց համաձայնության աներ դա», - ասել է կրտսեր Փարաջանովը:
Սակայն նա ավելացրել է, որ Փարաջանովին նույնասեռականության հոդվածով ազատազրկելը շինծու է եղել. «Եթե ինչ-որ բանի մասին մտածում էր, ապա բարձրաձայն ասում էր: Այդ ամենը վերջացավ նրան բանտարկությամբ: Բայց ի՞նչ հոդվածներով կարելի էր նրան բանտարկել: 12 հոդված էին ներկայացրել ու դրանցից ընտրեցին ամենավատը, որով նստելն ամենածանրն է: Բայց հոդվածը, մեծ հաշվով, շինծու էր», - ասել է նա:
Լուսանկարում Սերգեյ և Սուրեն Փարաջանովները (լուսանկարը` «Гордон»-ից)
