Հարգելի՛ ընկերներ,
«Հանրային տեղեկատվություն և գիտելիքի կարիք» ՀԿ-ն կազմակերպում է GATE (Gender, Activity, Tolerance, Equality) – «Գենդեր, Ակտիվություն, Հանդուրժողականություն, Հավասարություն» երիտասարդական ճամբարը, որը տեղի կունենա ս/թ հոկտեմբերի 5-ից 9-ը։ Ընտրված մասնակիցները կտեղեկացվեն ճամբարի անցկացման վայրի և այլ մանրամասների մասին։
Ճամբարի նկարագրություն
GATE – «Գենդեր, Ակտիվություն, Հանդուրժողականություն, Հավասարություն» երիտասարդական ճամբարի հիմնական նպատակն է համախմբել քաղաքացիական հասարակության ակտիվիստների, որոնք կզբաղվեն գենդերային հինմնահարցերով, կբարձրաձայնեն քաղաքացիական հասարակության հիմնախնդիրներ, կփորձեն դրանց լուծումներ տալ և կխթանեն ՀՀ-ում քաղաքացիական ակտիվությունը: Ճամբարին կմիանան նաև քաղաքացիական հասարակության ակտիվիստներ, փորձագետներ և մասնագետներ, ովքեր մասնակիցների հետ կկիսեն իրենց հաջողությունները, կիրազեկեն մասնակիցներին այն ծրագրերի մասին, որոնցում երիտասարդները կարող են ներգրավվել։
Ճամբարի նպատակները
- Խթանել գենդերային հիմնահարցերի առնչությամբ ակտիվիզմը:
- Նպաստել երիտասարդների ակտիվությանը և ներգրավվածությանը գենդերային հավասարության ջատագովման գործընթացում:
- Բարձրացնել իրազեկվածությունը ակտիվ քաղաքացիության և հասարակական կյանքին մասնակցելու կարևորության մասին։
- Մղել երիտասարդներին մասնակցելու մեր երկրի ժողովրդավարացման գործընթացին:
- Ամրացնել կապերը ՀՀ մարզերի երիտասարդների միջև և աջակցել նրանց քաղաքացիական ակտիվության տարբեր նախաձեռնություններում:
- Երիտասարդ մասնակիցներին տալ տեղեկատվություն տարբեր տեղական և միջազգային կազմակերպությունների կողմից առաջարկվող նախագծերի ու ծրագրերի մասին:
- Օգնել երիտասարդներին զարգացնել իրենց առաջնորդական, որոշումների կայացման և քննադատական մտածողության հմտությունները։
Ճամբարին կարող են մասնակցել`
«Գիտելիք և իրավունք» դասընթացին ամբողջությամբ մասնակցած և համապատասխան վկայական ստացած երիտասարդները:
Ճամբարին դիմելու գործընթացը
Մասնակցության համար անհրաժեշտ է լրացնել դիմում-հայտը և ուղարկել այն (հայտը բեռնել այստեղ)
- էլ. փոստով՝ training@pinkarmenia.org
Հարցերի դեպքում զանգահարել (010) 561396 կամ գրել training@pinkarmenia.org: Կոնտակտային անձիք՝ Նվարդ և Կոլյա: