Մարդու իրավունքների եվրոպական դատարանը (ՄԻԵԴ) հունիսի 20-ին բավարարել է Բաևի և այլոց հայցն ընդդեմ Ռուսաստանի Դաշնության։
Նիկոլայ Բաևը, Ալեքսեյ Կիսիլյովը և Նիկոլայ Ալեքսեևը Ռուսաստանում դատապարտվել էին «հասարակական գործունեության համար, որն ուղղված է անչափահասների շրջանում նույնասեռականության քարոզին»։
ՄԻԵԴ-ը գտել է, որ խախտվել են հայցվորների կարծիք արտահայտելու ազատության (Մարդու իրավունքների եվրոպական կոնվենցիա՝ հոդված 10) և խտրականությունից զերծ լինելու (հոդված 14) իրավունքները։
Դատարանը Ռուսաստանին պարտավորեցրել է 3 ամսվա ընթացքում Բաևին վճարել 13 880 եվրո, Կիսիլյովին՝ 15 045, իսկ Ալեքսեևին 20 263, ոչ նյութական վնասի, դատական և այլ ծախսերի համար։
Նույնասեռականության քարոզի դեմ օրենքը, որի համար վարչական տույժ է սահմանված, Ռուսաստանում գործում է 2013թ-ից։