Փինք իրավապաշտպան հասարակական կազմակերպությունը հայտարարում է դրամաշնորհային մրցույթ։ Դրամաշնորհի առավելագույն չափը կազմում է 7 000 000 (յոթ միլիոն) ՀՀ դրամ։ Ծրագրերի հաստատումից հետո թեկնածուներն անցնելու են կարողությունների զարգացման դասընթացների շարք, որից հետո ստանալու են դրամաշնորհը և իրականացնելու են ծրագրերը։
Ծրագրերի տևողությունն առավելագույնը 6 ամիս է (մարտի 1-ից օգոստոսի 31-ը):
Ենթադրամաշնորհային մրցույթին կարող են մասնակցել քաղաքացիական հասարակության կազմակերպություններ՝ ներառյալ ԼԳԲՏԻ կազմակերպությունները:
Ենթադրամաշնորհային նախագծերը պետք է ուղղված լինեն Հայաստանում ԼԳԲՏԻ անձանց նկատմամբ խարանի, խտրականության ու բռնության խնդիրներին և/կամ ներառեն ԼԳԲՏԻ հարցերի շուրջ հանրային հաղորդակցություն՝ ուղղված հասարակական դիրքորոշման ու վերաբերմունքի փոփոխությանը։
Դիմող կազմակերպությունների նախագծերը պետք է ուղղված լինեն ԼԳԲՏԻ հարցերի շուրջ զգայունության բարձրացմանը, անաչառ լուսաբանմանը, հանրային իրազեկմանը և անդրադառնան նշված ոլորտներից առնվազն մեկին․
- ԼԳԲՏԻ և հարակից հարցերի շուրջ հաղորդակցության արշավներ` հիմնված հետազոտությունների արդյունքների վրա,
- Կրթական ոլորտի և օգնող մասնագետների (հոգեբույժների, սեքսոլոգների, հոգեբանների, սոցիալական աշխատողների և այլ հարակից ոլորտների) համար վերապատրաստման դասընթացներ,
- Աշխատանք մեդիա դաշտի հետ, ներառյալ դասընթացներ լրագրողների համար,
- Գրականության և արվեստի ոլորտի գործիչների հետ աշխատանք,
- Ծնողների հետ աշխատանք, ներառյալ ԼԳԲՏԻ անձանց ծնողները։
Նախագծերի թիրախ խմբերը կարող են լինել հասարակության տարբեր խմբեր, մասնավորապես՝ երիտասարդները, ուսանողները, ինչպես նաև օգնող մասնագետները, ԼԳԲՏ անձանց ծնողները, մշակութային գործիչները, արվեստագետները և ԶԼՄ-ները։
Մրցույթին դիմելու վերջնաժամկետն է փետրվարի 6-ը։ Արդյունքների մասին կտեղեկացնենք փետրվարի 11-ին։ Մրցույթին դիմելու համար անհրաժեշտ է լրացնել հայտն ու բյուջեն և ուղարկել grants@pinkarmenia.org հասցեով՝ ծրագրի հիմնական աշխատակազմի ինքնակենսագրականների (CV) հետ միասին։
Ծրագրերի առաջարկները կգնահատվեն ըստ պլանավորված գործողությունների իրագործելիության, հիմնախնդիրների խորքային վերլուծությունների, կարիքների գնահատման, ծախսերի արդյունավետության, ծրագրի նկարագրության ճշգրտության և հստակության, մրցույթի նպատակներին համապատասխանելիության վրա։
Հարցերի կամ հավելյալ տեղեկությունների համար կարող եք զանգահարել +374 60 377277 երկուշաբթիից ուրբաթ 10։00-18։00 կամ գրել grants@pinkarmenia.org հասցեով: